Get Adobe Flash player

Groot pryse vir #RevueSA2016 – Nasionale #revuekompetisie

LAERSKOOL JAN VAN RIEBEECK SE REVUE
Share

Lefra Produksies het so pas die pryse bekend gemaak vir die Nasionale Revuekompetisie, REVUE SA 2016.   Hierdie lekker revuekompetisie vir laer- en hoërskole sal vanaf 5 tot 21 September 2016 by Carnival City se Big Top Arena uitgespook word.  Vir enige navrae oor die revuekompetisie of om in te skryf, kan Lefra Produksies geskakel word by (011) 815 3000 of stuur ‘n epos aan This email address is being protected from spambots. You need JavaScript enabled to view it.  Volledige inligting verskyn ook by www.revues.co.za

“Ons het gepoog om pryse aan te bied wat die skole tot nut gaan wees,” sê Frans Swart, Besturende Direkteur van Lefra Produksies.  “Die skole gaan beslis baat vind by die pryse en daar is self groot pryse vir die Revue Organiseerders wat so hard werk om hierdie goeie produksies op die planke kry.”  Die pryse bestaan uit die volgende:

Kontantpryse:

Laerskole:

  • Eerste Prys: R10 000
  • Tweede Prys: R5 000
  • Derde Prys: R3 000

Hoërskole:

  • Eerste Prys: R10 000
  • Tweede Prys: R5 000
  • Derde Prys: R3 000

Oorkoepelende Wen Revue (Dit kan ‘n Laerskool of Hoërskool wees): Ekstra R15 000.

Vleis:

Meat World skenk R25 000 se vleis vir die Wen-Laerskool en R25 000 se vleis vir die Wen-Hoërskool.  Die idee is dat hierdie vleis aangewend sal word vir die onderskeie skole se voedingskemas.

Oppiwater Kunstefees vir Wen-Revue Organiseerders:

Die Revue-Organiseerders van die Wen-Laerskool en Wen-Hoërskool wen ook elkeen ‘n kajuit vir twee persone op die baie gewilde Oppiwater Kunstefees wat in 2017 van Kaapstad na Namibië aangebied gaan word.  Natuurlik met die wonderlike Oppiwater Kunstefees aanboord die MSC Sinfonia.

REVUE SA 2016 word aangebied met die vriendelike samewerking van Meat World wat as hoofborg sal optree.  MEAT WORLD het 12 takke regoor die land.  Angelino Perreira, Besturende Direkteur van Meat World sê dat dit ‘n baie goeie projek is om by betrokke te wees.  “Dit is is vir ons lekker om by jeugprojekte soos REVUE SA 2016 te wees, want ons jeug is ons toekoms.  Ons gaan ook vir die wen laerskool en wen hoërskool elkeen R25 000 se vleis skenk om te gebruik vir hulle voedingskemas by die skool.”

Frans Swart, Hoof Uitvoerende Beampte van Lefra Produksies en waar die idee van ‘n nasionale revuekompetisie ontstaan het, sê dat hy baie opgewonde is oor die projek.  “Laerskole en hoërskole spandeer soveel tyd, geld en energie aan hulle jaarlikse revue.  Ek het al baie van hierdie revues gesien wat baie na aan professionele produksies se standaard is.  Dit was dan altyd vir my hartseer dat daar nie ‘n verdere lewe vir hierdie wonderlike revues is nie.  Juis daarom het ons by Lefra besluit dit sal uitstekend wees om hierdie revues nog ‘n slag te kan opvoer,” sê Swart.  Hy glo ook dat REVUE SA 2016 ‘n wonderlike forum sal skep vir skole om na mekaar se eie werk en produksies te kyk en te geniet.  “Dit gaan ook vir skole die geleentheid bied om te sien waar hulle eie standaard lê deur dit met ander produksies te vergelyk.”

Slegs 26 laerskole en 26 hoërskole sal aanvanklik gekeur word om deel te neem aan REVUE SA 2016.  Om vir keuring aansoek te doen, moet die volledige inskrywingsvorm voltooi word en skole moet dan ‘n 10 minute video saam met die inskrywingsvorm aanstuur.  Swart sê dat dit glad nie nodig is om professionele videos vir keuring aan te stuur nie.  “Ons wil juis nie hê  dat skole ekstra geld op videoproduksies moet spandeer nie.  ‘n Video met ‘n goeie videokamera of selfs met ‘n selfoonkamera is heel voldoende.”  Die sluitingsdatum vir inskrywings is 12 Augustus 2016.  Keuring sal afgehandel wees op 26 Augustus waarna gekeurde skole in kennis gestel sal word.  REVUE SA 2016 sal van 5-21 September in Carnival City se Big Top Arena aangebied word.

Swart sê dat die kompetisie op ‘n uitklopbasis aangebied sal word.  “Ons wil ook ‘n graag ‘n realiteitshoek aan die hele kompetisie gee.  Die belangrikste egter is dat elke aand ‘n wonderlike vertoning van dans, sang, beweging en kleur moet wees.  Ons besef maar te goed dat REVUE SA 2016 ‘n kompetisie is, maar ons glo ook dat dat skole, onderwysers, afrigters en leerders die geleentheid sal gebruik om nuwe vriende te maak en ook die geleentheid sal gebruik om van mekaar te leer.”

Groot pryse is op die spel en elke deelnemer sal ook ‘n sertifikaat van deelname ontvang.  Bekende beoordelaars en aanbieders sal ook ingespan word om van REVUE SA 2016 ‘n groot sukses te maak.   Meer as R50 000 se kontantpryse is op die spel.  Meat World skenk R25 000 se vleis vir beide die wen laer- en hoërskool.  Dan is daar ook ‘n lekker verrassing vir die Revue Organiseerders – die wen laer- en hoërskool se Revue Organiseerders wen ook elkeen ‘n kajuit vir twee na die suksesvolle OPPIWATER KUNSTEFEES volgende jaar van Kaapstad na Namibië toe.

REVUE SA 2016 word aangebied met die vriendelike samewerking van Meat World, Carnival City, Playboy Unisex Intercoffure, Stuttaford van Lines en McCarthy Volkswagen Arcadia.

Vir meer inligting oor REVUE SA 2016, kontak asseblief vir Lefra Produksies by (011) 815 3000 of stuur ‘n epos aan This email address is being protected from spambots. You need JavaScript enabled to view it.  Besoek gerus ook ons webtuiste, www.revues.co.za vir die nodige inligting.  Kaartjiebesprekings vir REVUE SA 2016 kan gedoen word by Computicket 0861 915 8000.  Groepe meer as 10, skakel asseblief vir Monica by (011) 815 3000 of epos aan This email address is being protected from spambots. You need JavaScript enabled to view it.

HOERSKOOL HUGENOTE SE REVUE

 abr logo280